Depresyon / spoken poetry by: RYLEN SARZA

-
Tigilan mo na ako
Pagod na pagod na ako
Ako na nasa isang dulo ng silid
Ako na nawawalan ng pag asa sa gilid

Tama na ayoko na
Hirap na akong kalabanin ang sarili ko
Na alam kung hinding hindi ako mananalo
Dalawang bagay lang ang alam ko, lubid o kutsilyo

Kahit ilang ilaw pa ang ipakabit sa aking kwarto
Wala akong ibang nakikita kundi ang madilim at nakasaradong pinto
Na kahit wasakin mo man alam kung hindi na bubukas 
Dahil lunod na ako at mukhang ito na ang wakas

Pinipilit ko naman para sa taong minamahal
Ngunit mismong sarili ko na ang gumagwa ng bawal
Masaya pa ba ako?
Dahil kung oo di ko gagawin to

Luluha ako na hindi alam ang dahilan
Maraming iniisip at napatulala nalang sa  kawalan
Ano nga ba ang pakiramdam ng nawalan?
Kalungkutan ba ang nararamdaman o kasiyahan?

Hindi ko na alam kung ano ba ang kasiyahan
Dahil kalungkutan lang ang bumabalot sa aking katauhan
Gusto kung humingi ng tulong 
Ngunit di ko maisambit dahil dila ko’y umuorong

May pag-asa pa ba na ang isang tulad kong nakakulong?
Tulungan mokong humanap ng susi 
Isang susi upang ako’y makalaya 
Sa mundong hindi ko alam kung sino ang gumawa

Walang naman akong problema sa pamilya
Masaya din ako sa mga barkada
Kahit bagsak sa skwela ok lang
May guro naman akong nagpapagaan ng loob at sinasabing may next time pa

Sa kabila ng lahat ng ito bakit ako pa?
Ako na ang akala ng lahat ay matapang
Laging nakangiti sa bawat usapan
Wala ba akong tunay na maituturing na kaibigan?

Kapag kadiliman ay bumabalot sa kalangitan
Heto na naman ako, maraming bagay ang ginagawang palaisipan
Kung pipiliin ko pa bang harapin ang umaga
O hahayaan ang sariling huwag nang lumaban pa

Comments

Post a Comment

Popular posts from this blog

Dalagang Ina (Sanaysay)

-
Hannah Jean S. Rosalejos 10-Service May mga isyu sa kabataan ngayon ay ang pagiging Dalagang ina. Ito ang tawag sa mga kababaihang nabuntis sa batang edad. Madalas, masama ang tingin ng maraming tao sa mga dalagang ina dahil sa pagbubuntis nila sa labas ng kasal. Sa murang edad ay kailangan na nilang harapin ang pangungutya ng mga tao. Maraming mga kabataan na hindi nagtapos ng pag-aaral dahil nabuntis sila at sa aking palagay kung bakit sila nabuntis sa maagang edad ay ang hindi sila gaano ka close sa isa’t isa sa kanilang pamilya. Ang maagang pagbubuntis ay posibleng sanhi nang kanilang pagrerebelde o paghingi ng atensyon. Ang pagiging batang ina ay isang mabigat na responsibilidad na kailangan nila ganapin kahit hindi pa sila handa at pagiging isang magulang sa kanilang sinapupunan. Para sa mga dalagang ina na matapang na hinaharap ang bunga ng kanilang mapusok na damdamin ng mag-isa ito ang ilan sa mga paraan para maging epektibong magulang para sa inyong anak gaaano ka man kab
Read more

Tahanan (tula)

-
Levylyn  Jamora  10 Service Ang tinitirhan ko'y nayong maralita at kaawa-awa Na lubhang tahimik, kaya walang gulo, sadyang mapayapa. Dito'y nagkakasundo, kaya nayon ang higit kong iniibig; Di tulad sa lungsod na lubhang malaki, nayon ay maliit. Tahana'y maliit na dampa at ang bubong ay sira-sira, Ang dingding ay lusot, na kapos sa ganda't sa gara ay gusot. Ito'y nakatayo sa duluhan na may maraming halaman, Gayunman, ikaw at ako ay masaya sa tahanang ito. Tahanan nila'y ubod ng gara, na gawa sa ginto't pilak, Animo'y palasyo ng hari't prinsipe na napakalaki, Gayunman, ang doon ay nagsisitahan at nagbabangayan, Sa ligaya'y salat; sa luha, mayaman; sa pag-ibig, kulang. Palasyong walang pag-ibig, ang tatahan doon ay tatangis; Kung ang dampa'y may pagmamahalan, daig ang palasyo na yan. Kahit kami'y maralita lamang, buhay ay napakasaya, Pa'nong hindi gayon ay nagmamahalan itong aming angkan.
Read more