Aking Prinsipe (tula) isinulat ni Princess Crystal Maurin

-
     "Aking Prinsipe"

Nais Ko sanang ipakilala sa inyo
Ang taong walang ibang ginawa kundi ang mag mahal ng totoo
Ang taong gagawin ang lahat para sa pamilya
Kahit nasasaktan na siya ng sobra
Ang lalaking pinakamalapit sa aking puso
Siya ang nagbigay samin ng pag-asa na huwag sumuko
Ang lalaking nagbibigay samin ng saya
Na para bang wala na siyang pinoporoblema.
Ang lalaking mamahalin ka ng lubos
Na tatanggapin ka kahit pera mo'y ubos
Pagsasabihan ka kapag ikaw ay mali
Pero handang tumulong kapag ikaw ay sawi
Siya ang aking nag-iisang prinsipe
Na kahit kailan ay hindi nawala sa aking tabi
Handa kang tulungan sa panahong ika'y nangangailanan
Isang tawag lang dadating siya kahit saan kahit kailan
Hindi niya ipinapakita na siya'y nasasaktan
Dahil alam niyang siya ang aming inaasahan
Aalagaan ka niya higit sa kaniyang makakaya
Na walang ibang hininging kapalit bukod sa ikaw ay sumaya

Kaya ngayon na siya naman ang nangangailangan
Ako'y nandito lang at handa syang tulungan
Gagawin ang lahat upang siya'y hindi na masaktan
Dahil ako'y nahihirapan kapag nakikita siyang luhaan
Loob ko'y pinipilit ko lakasan
Dahil alam kong kahit anong pagsubok ay kaya niyang labanan
Hindi niya gustong makitang ako'y umiiyak
Kaya linalabanan ang sariling huwag lumuha't umiyak
Ngunit hindi ko matiis na huwag tumulo ang aking luha minsan
Mabuti nalang may kaibigan akong handa akong damayan
Gumaling siya'y ang aking dinadasal
Dahil miss ko na ang kakulitan at mukha niyang sobrang kapal
Sana'y sa pagsasamahan namin ay walang magbago
Dahil siya lang ang nag-iisang prinsipe sa buhay ko
Ang lalaking hinding-hindi ako iiwan ng mag-isa
Ituturing akong parang tunay na prinsesa
Hindi man siya kagwapuhan sa paningin ng iba
Sa puso ko'y walang papantay sa kaniya sinuman sa kanila
Siya'y ang aking kapatid na si Prince Jervic Maurin
Ang nag-iisang prinsipe ng hindi kabaitang si Princess Crystal Maurin.

Comments

Post a Comment

Popular posts from this blog

Dalagang Ina (Sanaysay)

-
Hannah Jean S. Rosalejos 10-Service May mga isyu sa kabataan ngayon ay ang pagiging Dalagang ina. Ito ang tawag sa mga kababaihang nabuntis sa batang edad. Madalas, masama ang tingin ng maraming tao sa mga dalagang ina dahil sa pagbubuntis nila sa labas ng kasal. Sa murang edad ay kailangan na nilang harapin ang pangungutya ng mga tao. Maraming mga kabataan na hindi nagtapos ng pag-aaral dahil nabuntis sila at sa aking palagay kung bakit sila nabuntis sa maagang edad ay ang hindi sila gaano ka close sa isa’t isa sa kanilang pamilya. Ang maagang pagbubuntis ay posibleng sanhi nang kanilang pagrerebelde o paghingi ng atensyon. Ang pagiging batang ina ay isang mabigat na responsibilidad na kailangan nila ganapin kahit hindi pa sila handa at pagiging isang magulang sa kanilang sinapupunan. Para sa mga dalagang ina na matapang na hinaharap ang bunga ng kanilang mapusok na damdamin ng mag-isa ito ang ilan sa mga paraan para maging epektibong magulang para sa inyong anak gaaano ka man kab...
Read more

Tula (Para Sa Aking Ama)

-
Lyka Mae L. Ubalde Grade 10 Service Itay, matagal kanang nawala Simula nung ako ay bata pa Mahirap man para sa akin Pero kailangan ko itong tanggapin Hindi ko naranasan ang pag ibig ng isang Ama Kasi nawala ka noong akoy isang sanggol pa. Mahirap man tanggapin ni Ina noong ikaw ay pumanaw na Labis kaming nalungkot  sa iyong pagkawala Bakit ka nga ba nawala ng maaga aking Ama? Hindi mo ba kami iniisip noong ikaw ay buhay pa? Marami akong tanong sa aking isipan Sa tuwing ikaw ay napapanaginipan Hindi ko matiis ang umiyak kapag ikaw ay maalala Simula ng nawala ka sa ating tahanan aking Ama Ang hirap itago ang lahat ng sakit Palaging na sa puso ang binibitbit Ngayon ikaw ay wala na Walang hanggang ligaya sa piling ng maylikha Ang tangi naming dalangin at ninanasa Mamalagi kang buhay sa aming alaala.
Read more

Tahanan (tula)

-
Levylyn  Jamora  10 Service Ang tinitirhan ko'y nayong maralita at kaawa-awa Na lubhang tahimik, kaya walang gulo, sadyang mapayapa. Dito'y nagkakasundo, kaya nayon ang higit kong iniibig; Di tulad sa lungsod na lubhang malaki, nayon ay maliit. Tahana'y maliit na dampa at ang bubong ay sira-sira, Ang dingding ay lusot, na kapos sa ganda't sa gara ay gusot. Ito'y nakatayo sa duluhan na may maraming halaman, Gayunman, ikaw at ako ay masaya sa tahanang ito. Tahanan nila'y ubod ng gara, na gawa sa ginto't pilak, Animo'y palasyo ng hari't prinsipe na napakalaki, Gayunman, ang doon ay nagsisitahan at nagbabangayan, Sa ligaya'y salat; sa luha, mayaman; sa pag-ibig, kulang. Palasyong walang pag-ibig, ang tatahan doon ay tatangis; Kung ang dampa'y may pagmamahalan, daig ang palasyo na yan. Kahit kami'y maralita lamang, buhay ay napakasaya, Pa'nong hindi gayon ay nagmamahalan itong aming angkan.
Read more